وضوح
استراتيجية مرتبطة بهدفك
تكامل
خبرات تعمل ضمن فريق واحد
قياس
مؤشرات أداء وتقارير واضحة
دعم
متابعة وتحسين مستمران
تفاصيل الخدمة
قبل ما نصرف ريال واحد، لازم نفهم: وش المشروع؟ وين موقعه؟ مين العميل المناسب؟ وش الأسعار؟ وش خطط السداد؟ وش الوحدات المتوفرة؟ وش نقاط القوة الحقيقية؟ وش المشاريع المنافسة؟ وش الاعتراضات اللي يسمعها فريق المبيعات؟
لأن الإعلان العقاري بدون فهم المشروع غالبًا يجيب اهتمام عام، مو مشتري مناسب.
ممكن حملة تجيب 500 Lead وتكون أسوأ من حملة جابت 100.
ليش؟ لأن المهم مو العدد. المهم: كم واحد مناسب للمشروع؟ كم واحد رد على فريق المبيعات؟ كم واحد حجز موعد؟ كم واحد حضر المعاينة؟ وكم واحد وصل لمرحلة جدية في الشراء؟
عشان كذا نهتم بـ: جودة الـ Lead قبل كميته.
التسويق العقاري ما يقدر يشتغل بمعزل عن المبيعات.
نحتاج نعرف من فريق المبيعات: ليش العملاء يرفضون؟ وش أكثر سؤال يتكرر؟ هل السعر هو المشكلة؟ الموقع؟ طريقة الدفع؟ نوع الوحدة؟ ولا العملاء اللي جايين من الحملة أصلًا مو مناسبين؟
هذي المعلومات ترجع لنا ونستخدمها لتحسين: الاستهداف، الرسائل، المحتوى، والحملات.
المبيعات تعطينا الحقيقة اللي ما تظهر كاملة في لوحة الإعلانات.
مو كل وحدة داخل المشروع لها نفس المشتري.
الشقة الصغيرة ممكن تستهدف شريحة مختلفة عن الفيلا. وحدة استثمارية تختلف عن وحدة للسكن. الوحدات الجاهزة تختلف عن البيع على الخارطة.
عشان كذا، الرسالة والجمهور والعرض تتغير حسب: نوع الوحدة، السعر، مرحلة المشروع، وهدف المشتري.
رسالة المشروع قبل الإطلاق مو نفس الرسالة بعد فتح المبيعات.
ومرحلة الإطلاق مو نفس مرحلة تصريف الوحدات المتبقية.
ممكن نمر بمراحل مثل: قبل الإطلاق (نبني اهتمام ونوضح فكرة المشروع)، الإطلاق (نركز على المميزات والوحدات والعروض ونولد الطلب)، أثناء البيع (نستخدم البيانات والاعتراضات لتحسين الحملات)، المراحل الأخيرة (نركز على المخزون المتبقي والرسائل المناسبة له).
يعني الاستراتيجية تتغير مع المشروع.
مو كل مشروع عقاري يحتاج يكون بنفس القوة على:
Google, Meta, Snapchat, TikTok
وغيرها.
اختيار القناة يعتمد على: الجمهور، مرحلة المشروع، نوع الطلب، والهدف من الحملة.
ممكن منصة تكون ممتازة لبناء الطلب، ومنصة ثانية أفضل لالتقاط الأشخاص اللي يبحثون أصلًا عن عقار.
نستخدم كل قناة للدور المناسب لها.
مو هدفنا نملأ الحساب بصور المشروع.
المحتوى ممكن يجاوب عن: ليش هذا الموقع؟ وش قريب منه؟ وش نمط الحياة؟ هل المشروع مناسب للسكن أو الاستثمار؟ وش الفرق بين الوحدات؟ وش خطط السداد؟ وش تقدم المنطقة مستقبلًا؟ وش شكل الوحدة من الداخل؟
المحتوى الجيد يقلل جزء من الأسئلة اللي يحتاج فريق المبيعات يشرحها من الصفر.
أخبرنا باسمك ورقم جوالك فقط، وسنعود إليك خلال يوم عمل — تفاصيل المشروع نناقشها في مكالمة المراجعة.
عدد محدود:
نقدّم 3 مراجعات مجانية فقط كل شهر — احجز مقعدك قبل اكتمال العدد.
